ഒരു പൂവിന്‍ മനസും മാംസവും
മനസ്സുണ്ട് പൂവിനു മാംസം മാത്രമല്ല
വിഷമുള്ള കണ്ണിനു മാംസമേ പധ്യമുള്ളു
മധുവുണ്ടതിന്നുള്ളില്‍ സ്നേഹത്താല്‍
മധുരിക്കും- മനസ്സുള്ളവര്‍കതില്‍ നേരും
നന്മയും കണ്ടെത്തിടാം
പിളര്‍ക്കാം പൂവിന്‍ തുടു ഹൃദയം
തുളച്ചിടാം-സ്നേഹത്തെ തേടി മൃദു-
ദളങ്ങള്‍ ഉതിര്ത്തിടാം
പാവമീ ഭൂവിലിന്നു പിറന്നു വിധിയാലെ
നുള്ളിനോവിക്കുവാനെത്ര കണ്ണുകള്‍
വളര്‍ത്തുന്നു
കാട്ടുവണ്ടിന്‍ ക്രൗര്യം പൂവിനുണ്ടോ
തിരിയുന്നു - ആട്ടുംപോല്‍ മുഖം മെല്ലെ
ആപത്തെന്നറിയാതെ
നായാടിപ്പരിഷകള്‍ കാണില്ലാക്കനവുകള്‍
തീയില്‍ വെന്തു നീറാന്‍ ജന്മമെന്തിനു പൂവേ
മറക്കാം, മറവിയെ സ്നേഹിക്കും
മനുഷ്യരെ, മറുനാളില്‍
മറ്റൊരു പൂവിന്‍ കദനക്കഥ വായ്ക്കാം.
ജനീഷ് പി
Not connected : |
