ആറാം വിരൽ
എന്റെകൈകൾക്ക് വിരലഞ്ചുപോരാ
ആറാമതൊരുവിരലെനിക്കുവേണം
പെരുവിരൽ ഗുരുദക്ഷിണയ്ക്കുവേണം
പെരുമകാണിപ്പതെൻസ്വാർത്ഥമോഹം
ചൂണ്ടയിൽവീണോർക്കുനേർക്കുചൂണ്ടാൻ
ചൂണ്ടുവിരലിൻകരുത്തുവേണം
നടുവിരൽനീട്ടിഞാൻമോശമുദ്ര
നാവുദോഷത്തിന്നുപകരമേകും
മോതിരവിരലൊന്നുതൊട്ടുപ്രേമ -
മോതിടാൻപെണ്ണാളൊരുത്തിയുണ്ടേ
ചെറുവിരൽതുമ്പിൽതളച്ചുനിർത്താൻ
ചെറുബാല്യക്കാരവർവേറെയുണ്ടേ
അരുതായ്മകാട്ടുന്നവർക്കുനേരേ
അരുതെന്നുകാട്ടുവാൻവിരലുവേണ്ടേ
ആകയാൽവിരലഞ്ചുപോരെനിക്ക്
ആറാമതൊരുവിരലാരുനൽകും
വൃക്കയുംഹൃദയവുംകരളുമെല്ലാം
വിലപേശിവിൽക്കുന്നകാലമല്ലേ
മോഹവിലനൽകുമെന്നുചൊന്നാൽ
മോശമല്ലാത്ത "ക്യൂ "മുന്നിലെത്തും
അവയവദാനം മഹാദാനമായ്
നവമാധ്യമങ്ങളിൽചർച്ചയാക്കാം
ആരെങ്കിലുമൊത്തുവന്നിടുമ്പോൾ
ആറാമതാംവിരൽകിട്ടിടുമ്പോൾ
ആവിരൽഞാനെന്റെസ്വന്തമാക്കും
ആവിരൽഞാനെന്റെസ്വത്വമാക്കും !
Not connected : |
