കരളിലൊരു ചിത
നിന്റെ ഒരു നോക്കിനാൽ, വാക്കിനാൽ
ഹൃദയത്തിനേറ്റ മുറിപ്പാടിന്റെ വേദന-
രക്തമായ് ഇറ്റിറ്റു വീഴവേ,
ഭൂതകാലോർമ്മകൾ ദഹിച്ച ചുടലപ്പറമ്പിലെ
തീയും പുകയും മഴയാൽ അടങ്ങവേ,
നീ..., ഒരെള്ളിൻ ചെടിയായ് -
ഉയർത്തെഴുന്നേറ്റതും-
തൂവെള്ള പൂക്കളായ് ചിരിതൂകി നിന്നതും,
പ്രണയമേ...,
നിന്നെക്കുറിച്ചുള്ള ഓർമ്മകൾ
കൂർത്തൊരമ്പായി ഇടനെന്ജിൽ തറയ്ക്കവെ,
ഇന്നു ഞാനറിയുന്നു
മരണവാതിലിനപ്പുറത്തെ അനശ്വരതയെ-
ഏകാന്തതയിലെനിക്കു കൂട്ടായ നിന്റെ ഓർമ്മകളെ.......
Not connected : |
