എത്ര ക്രൂരമീ വിനോദം
ഋഷിവര്യരുടെ നാടാണല്ലൊ ഭാരതം
തെല്ലഭിമാനത്തോടെ പറയുന്നു നാം
സനാതനധര്‍മ്മത്തെയും അഹിംസയെയും
കുറച്ചൊന്നുമല്ല -പ്രകീര്‍ത്തിയ്ക്കുന്നു നാം.
പത്രങ്ങളില്‍ സ്ഥലം പിടിയ്ക്കും ചില
വാര്‍ത്തകള്‍ ഞെട്ടിയ്ക്കുന്നു തളര്ത്തിടുന്നു;
നവജാതരാം പെണ്‍കുഞ്ഞുങ്ങളെ കണ്ടെ-
ത്തുന്നു പലപ്പോഴും ചവറ്റു കൊട്ടകളില്‍,
മാലിന്യക്കൂമ്പാരങ്ങളില്‍, കെട്ടിട വളപ്പില്‍
ദയനീയം; ഉപേക്ഷിയ്ക്കപ്പെട്ട നിലയില്‍.
സ്ത്രീപ്രജകളോടെന്തിനിത്രയവജ്ഞ ?
പാവങ്ങളീയോമനകള്‍ എന്ത് പിഴച്ചു
ഈ ക്രൂരശിക്ഷകളേറ്റുവാങ്ങാന്‍?
ഡോക്ടര്‍മാരും, വീട്ടുകാരും ചേര്‍ന്ന്
പെണ്‍ ഭ്രൂണഹത്യയും നടത്തുന്നിവിടെ
പലയിടങ്ങളിലായി ഇന്ത്യാ രാജ്യത്ത്.
സ്ത്രീ പുരുഷാനുപാതം ആകെ
വികലമാക്കുമീ ക്രൂരവിനോദം
തടയണമെങ്ങനേയും വൈകാതെ
വിധിയല്ലിത് തീര്‍ത്തും മനുഷ്യകൃതം.
***************
Not connected : |
