ആരാരുമറിയാതെ..
ആരാരുമറിയാതെ... ആരോടും പറയാതെ,
ആദ്യമായ് എഴുതിയതാർക്കുവേണ്ടി???
അതു,
ആദ്യമായ് മൂളിയതാർക്കുവേണ്ടി???
അറിയില്ലല്ലോ... ഇന്നുമറിയില്ലല്ലോ....
ആത്മാവിൽ തളിരിട്ടൊരെൻ മാനസവല്ലികൾ,
ആദ്യമായ് മൊട്ടിട്ടതാർക്കുവേണ്ടി???
അതു,
ആദ്യമായ് പുഷ്പിച്ചതാർക്കുവേണ്ടി???
അറിയില്ലല്ലോ... ഇന്നുമറിയില്ലല്ലോ....
ആ ശ്യാമാമ്പരത്തിൻ ചോട്ടിലെൻ നിദ്രയെ,
ആദ്യമായ് തടുത്തതാർക്കുവേണ്ടി???
അതു,
ആദ്യമായ് കൈവിട്ടതാർക്കുവേണ്ടി???
അറിയില്ലല്ലോ... ഇന്നുമറിയില്ലല്ലോ....
ആനന്ദനൃത്തത്തിൽ ആടിയൊരെൻ ചിലങ്കകൾ,
ആദ്യമായ് അണിഞ്ഞതാർക്കുവേണ്ടി???
അതു,
ആദ്യമായ് കിലുങ്ങിയതാർക്കുവേണ്ടി???
അറിയില്ലല്ലോ... ഇന്നുമറിയില്ലല്ലോ....
അറിയാതെ അറിയും ഞാനൊരുനാളിൽ---
എങ്കിലും,
അറിയില്ല അതിന്നും ആരുടേതെന്ന്!!!
Not connected : |
