സന്ധ്യ ഒരോർമ്മയായി
സന്ധ്യ വിടചൊല്ലി
ഉപചാരം ചൊല്ലി പിരിഞ്ഞു.
കണ്ണുനീരൂറി വറ്റി വരണ്ട മിഴികളിൽ
നിറങ്ങളില്ല ,കിനാക്കളില്ല .
നിർവീകരമാം നിസ്സംഗത മാത്രം !
സീമന്ത രേഖയിലെ സിന്ദൂരചോപ്പു
കറുത്ത തൂവലായാൽ തുടച്ചുമാറ്റി
മൗനത്തിന്റെ കനത്ത മൂടുപടമണിഞ്ഞു
പകൽ സന്ധ്യയെ പടിയിറക്കി .
രാത്രിയുടെ മടിയിൽ ശാന്തമായുറങ്ങി .
ശാന്തിയുടെ പൊൻനിലവായി
ഉദിച്ചുയർന്നു അമ്പിളി .
നിശബ്ദത ഒരു തേങ്ങലായി
കാറ്റിലലിഞ്ഞു പോയി .
കടലിൻ അഗാധതയിൽ അഭയം തേടി
സന്ധ്യ പടിയിറങ്ങി ...
വീണ്ടുമൊരു സന്ധ്യയായി പുനർജനിക്കാൻ
സന്ധ്യ ഒരോർമ്മയായി.
ചെഞ്ചോരച്ചോപ്പുള്ളൊരു ഓർമ്മയായി .
ഒരുപകലിനും രാത്രിക്കുമിടയിൽ
ഒരിത്തിരി നോവിന്റെ ഓർമ്മയായി
സിന്ദൂരച്ചോപ്പുള്ള സന്ധ്യ !
അന്ഗ്നിച്ചിറകുള്ള സന്ധ്യ !
Not connected : |
