മഴയുടെ മനസ്സ്
മഴ !
ഭൂമിക്കു ആകാശത്തിന്റെ പ്രണയ സമ്മാനം.
വിരഹച്ചൂടിൽ വെന്തുരുകുന്ന ഭൂമിയുടെ മാറിലേക്ക്
ഒലിച്ചിറങ്ങുന്ന നനുത്ത മഴ !
മഴ !
ഒരു താരാട്ടു പാട്ടായി
ഒരു സ്വാന്തനമായി
മൂർദ്ധാവിൽ അമ്മതൻ ചുംബനം പോലെ മഴ!
മഴ !
വേദനയുടെ ദുഃഖത്തിന്റെ മഴ !
കണ്ണുനീരിന്റെ ഉപ്പും
ചുടുചോരയുടെ നിറവുമുള്ള മഴ .
മഴ !
വെറുപ്പിന്റെ വിദ്വേഷത്തിന്റെ മഴ
കണ്ണിൽ കത്തുന്ന മനസ്സിൽ ഉരുകുന്ന
പകയുടെ മഴ !
മഴ മനസ്സിന്റെ മുഖം പോലെ ....
ഹൃദയ തന്ത്രികൾ മീട്ടുന്ന രാഗം പോലെ .....
ഓരോരുത്തർക്കും ഓരോ താളം ഓരോ ഭാവം .
Not connected : |
