നൊമ്പരം
നൊമ്പരം. സൂര്യമുരളി
മനോ:വ്യഥകൾ പലവിധം
വാതിലിനിടയിൽ പെട്ട പല്ലിയിൻദയനീയ
നോട്ടം കണ്ണിലേയ്ക്ക്.......
ഒന്നും ചെയ്യാൻ കഴിയാത്ത അവസ്ഥാവിശേഷം
മൃഗഡോക്ടറായിരുന്നെങ്കിൽ... ആശിച്ചു...
ഉറുമ്പിനെപ്പോലും നോവിപ്പിക്കാനാഗ്രഹിക്കാത്ത
മനസ്സ് നീറിപ്പുകഞ്ഞുപോയ്...ഒരു നിമിഷം.....
ഒരുദിനം മുഴുവൻ വേദനയുടെ,വേർപാടിന്റെ ദു:ഖം
പാതി ജീവനുമായ് ഗൗളി മണിക്കൂറുകൾ പിടഞ്ഞു...
കണ്ണിൽനിന്നും മായാത്ത ആ കാഴ്ച മനസ്സിൽ
അരക്കിട്ട് ഉറപ്പിച്ചപോൽ........
അറിയാതെ ചെയ്തു പോയ തെറ്റിന് പ്രായശ്ചിത്ത
മെന്നോണം പ്രാർത്ഥിച്ചു, ആത്മാർത്ഥമായ്.....
പൊലിഞ്ഞ ജീവന്.......
..............നിത്യ ശാന്തിക്കായ്...........
...............പുനർ ജന്മത്തിനായ്.........
Not connected : |
