ഒരു പോലീസ് ശിപായി
ഒരു പോലീസ് ശിപായി
പോലീസിൽ അയാളൊരു ശിപായി
പക്ഷെ "ടിപ്പായി" എന്ന് വിളിപ്പേരുണ്ട്.
കുടുംബബാധ്യതയുള്ള ആ പാവം
സർവീസിൽ ഒത്തിരി നാളായി.
വിഴുപ്പ് നിറഞ്ഞ ആ തൊപ്പിയും
തോളിൽ തുന്നിവെച്ച വരകളും
ചേറുപുരണ്ട ആ കറുത്തബൂട്ട്സും.
പോലീസ് ബംഗ്ലാവിലെ പൂത്തോട്ടവും
അവിടെ ചെടികളും പൂക്കളും കിളികളും
കുളിപ്പിച്ചു കളിപ്പിക്കുന്ന നായ്ക്കളും.
ഒത്തിരി സ്നേഹ൦ കാട്ടുമ്പോൾ...
അപ്പോൾ അയാൾ അറിയുന്നില്ല
ചുറ്റും വട്ടം നടക്കുന്ന കുറ്റകൃത്യങ്ങൾ .
അറിയാൻ ആഗ്രഹിക്കുന്നില്ല..
മേധാവി ഉത്തരവിടുന്നു ഇനി
ചന്തയിൽ പോയി മീനും പച്ചക്കറിയും
പിന്നെ സ്‌കോച്ച്‌ മദ്യംവാങ്ങികൊടുക്കണം.
ഉപാസനപോലെ മറിച്ചൊന്നും
ഉരുവിടാതെ കീഴ്വഴക്ക൦ പോലെ
യേമാനുവേണ്ടി കൈപൊക്കി
നെഞ്ചുവിരിച്ചു ആ സല്യൂട്ട് നൽകി.
അയാൾ ആ കാക്കി നാളെഅഴിച്ചുവെക്കും ..
അയാൾ ഒരു തീർത്ഥാടനത്തിന്
ഏകനായി ഒരുങ്ങുകയായി .
എല്ലാം തുറന്നുപറയാൻ ധൈര്യമായി
എഴുതാൻ ശിപായി തൻ ആത്മകഥയായി .
വിനോദ് കുമാർ വി
Not connected : |
