പ്രച്ഛന്നവേഷം
കവിതയുടെ കുമ്പസാരക്കൂട്ടില്‍
ചങ്ങമ്പുഴ,'പാടുന്ന പിശാച് ' ചൊല്ലുന്നു.
ദൈവനാമത്തില്‍ കൂദാശ കൈക്കൊള്ളുന്ന
പുരോഹിതന്‍റെ ഭാവമായിരുന്നില്ല വായനക്കാരന് !
അപഥസഞ്ചാരങ്ങളോര്‍ത്ത്
അനുതാപത്തോടെ നെടുവീര്‍പ്പിട്ടും
പറഞ്ഞും കരഞ്ഞും ശപിച്ചും പഴിച്ചും
കവി അസ്വസ്ഥനായി !!
അനുനയിപ്പിക്കുവാന്‍ വാക്കുകളില്ലാതെ
ആത്മകഥാനുഭൂതിയില്‍
വായനക്കാരന് നിശബ്ദന്‍ !
പാപികളുടെ കല്ലുകള്‍ നേരിട്ട്
ഗന്ധര്‍വന്‍റെ പ്രച്ഛന്നവേഷം !
കവി ,പിശാചല്ല !
കവിയ്ക്ക് പിശാചാകാനാകില്ല !!
Not connected : |
