കോവിഡാസുര മനുഷ്യയുദ്ധം
കോവിഡാസുരമനുഷ്യയുദ്ധം
കോവിഡാസുര മനുഷ്യയുദ്ധം"
പാരിൽപടർന്നു പിടിക്കുമ്പോൾ
കോവിഡ് വധമതുകഴിയുംവരെ
കോവിലിൽ ആരും പോകേണ്ട.
കോവിഡാസുര മനുഷ്യയുദ്ധം"
പാരിൽപടർന്നു പിടിക്കുമ്പോൾ
കോവിഡ് വധമതുകഴിയുംവരെ
പള്ളികളിൽ ആരും പോകേണ്ട.
സർക്കീട്ടുകൾ സൽക്കാരങ്ങൾ
സ്വച്ഛ൦ സവിധം നടത്തേണ്ട ,
വികാരികൾ വീണ്ടും പഴകിയ
തത്വം വെറുതെവിളമ്പേണ്ട,
വീട്ടിലിരുന്നു ഭജിക്കുകയല്ലേൽ
സ്മരിക്കുക ജീവൻ ത്യജിച്ചവരെ
കണ്ണുകൾ തുറന്നു നിൽപ്പൂചിലർ
നമ്മെക്കാത്തവരെ കാണൂ ,കാണൂ
നിശ്ചലമീ ലോകമിന്ന് മർത്യനുമാത്രം.
വൻശക്തികൾ അമ്പരന്നിരിപ്പൂ.
അകന്നു നടക്കാം നാടിനുവേണ്ടി
രാജ്യത്തിനുവേണ്ടി ലോകനന്മക്കായി
സശ്രദ്ധം ഈ യുദ്ധം നേരിടാം
മതഭ്രാന്തുകാട്ടി കുലുമാലുകൾ
ഇവിടെ കൂട്ടലെ, മനുഷ്യനായി
കോവിഡാസുര മനുഷ്യയുദ്ധം"
ജയിച്ചു നിർവിഘ്‌നം നടക്കേണ്ടെ
വിനോദ് കുമാർ വി
Not connected : |
