കളിപ്പാവകള്‍
കളിപ്പാവകള്‍
കളിപ്പാവകള്‍ നമ്മള്‍ കളിപ്പാവകള്‍
ആരോചലിപ്പിക്കും യന്ത്രപ്പാവ
നടക്കുന്നു വെറുതെ ചിരിക്കുന്നു കരയുന്നു
ആരോ കളിപ്പിക്കുന്നു നമ്മെ ചെമ്മെ
എന്തിനെന്നറിയില്ല എവിടേക്കെന്നറിയില്ല
ഒരു കളിയരങ്ങല്ലയോ ഈ ജീവലോകം
കണ്ടു ചിരിച്ചു കളിവാക്കുപറഞ്ഞു നാം
സൗഹൃദം പങ്കുവച്ചു നീങ്ങുമ്പൊഴും
പറയുവാനാമോ നാളെയിനിയെന്തെന്നും
എങ്ങോട്ടേക്കാണീ ജീവ യാത്രയെന്നും
നിസ്സഹായര്‍ നമ്മളീ ഭൂമിതന്‍ കൂട്ടില്‍
തിന്നു കൊഴുക്കുന്ന വളര്‍ത്തുമൃഗങ്ങള്‍!
കൊത്തിയെടുത്തിടും മരണമെന്ന കോമാളി
ഉറ്റവരെ പ്രിയരെ പോല്‍ നാളെ നമ്മെതാനും
തടുക്കുവാനാകില്ല ഈ വിധി തന്‍ വൈപരീത്യം
ഈശ്വരന്‍ പോലൂം ഇവിടെ നിസ്സഹായന്‍
കണ്ണില്ലതിന് കാതുമില്ല തെല്ലുമേ
ക്രൂരതാണ്ഡവമാടിടും കൊടും പാതകര്‍ പോല്‍
എന്തിതെന്‍ ദൈവമേ ഈ മായാവിലാസത്തില്‍ തകരുകയല്ലോ ഇങ്ങനെ മര്‍ത്ത്യലോകം
പറിച്ചെടുക്കുകയല്ലോ ഹൃദയത്തില്‍ നിന്നു ക്ഷണം പല പല
പരിപാകം വന്നതാം ജീവകോശം
വെറും കളിപ്പാവകള്‍ പോലെ എന്നിട്ടുംചരിക്കുന്നു മര്‍ത്ത്യര്‍ പണ്ടു വിദുരര്‍ ചൊന്നതാം ജീവാത്ഭുത ലോകത്തേറി...
നന്ദകുമാര്‍ ചൂരക്കാട്
Not connected : |
