ഒരിക്കലും തീരാത്ത മൗനം
പൂത്തുനില്‍ക്കുന്ന പുല്ലാനികള്‍ ആകാശക്കാഴ്ചകളെ മറയ്ക്കുന്ന
ആ ഇടവഴികളിലൂടെ ഇന്ന് ഞാന്‍ വീണ്ടും നടന്നു.
കൂടെ നീയും ഉണ്ടായിരുന്നു.
മണിക്കൂറുകള്‍ നമ്മള്‍ ഒരുമിച്ചു നടന്നു.
അപ്പോഴും മൗനം നമുക്കിടയില്‍ ഖനീഭവിച്ചു തന്നെ നിന്നു.
ഒടുവില്‍ വഴികള്‍ അവസാനിക്കുന്നതു കണ്ട ഞാന്‍
ഞെട്ടലോടെ നിന്നെ നോക്കി.
നിന്റെ കണ്ണുകള്‍ പിന്നെയും നിറഞ്ഞിരുന്നു.
എന്തിനെന്ന് ഇത്തവണയും ഞാന്‍ ചോദിച്ചില്ല.
ആവര്‍ത്തനവിരസത!
Not connected : |
