വിലാപയാത്ര
കൊല്ലപ്പെട്ടത് ഭൂമിയായിരുന്നു
കൊല ചെയ്തവരും കൂട്ട് നിന്നവരും
ശക്തരായിരുന്നു , അതുകൊണ്ട്
പരാതികളോ പ്രതിഷേധങ്ങളോ
ഉണ്ടായില്ല. മൃതശരീരത്തെ-
മരമായും മണലായും മണ്ണായും
പുഴയായും പറക്കല്ലായും വേര്‍തിരിച്ചു.
മൃതശരീരവും പേറി ടിപ്പറുകളുടെ
വിലാപയാത്ര ആരംഭിച്ചു.....
സ്കൂള്‍ തുറക്കുന്നതും അടക്കുന്നതുമായ
നേരത്ത് പൊതുദര്‍ശനമുണ്ടായിരുന്നു...
ആരും കരഞ്ഞില്ല നീയും ഞാനും.....
നീ വീട് പണിയുന്ന തിരക്കിലായിരുന്നു...
ഞാന്‍ മതില് കെട്ടുന്നതിന്റെയും....
Not connected : |
