ശബ്ദ മലിനീകരണം
രാത്രി - പട്ടി ഓരിയിട്ടു
കാലനെ വിളിക്കാൻ...
വീട്ടുടമസ്ഥൻ പട്ടിയെ ശാസിക്കാൻ
വാതിൽ തുറന്നപ്പോൾ - ചോര!
ശവം ജീവനുള്ളതൊന്ന് -
ഇല്ലാത്തതൊന്ന്...
ജീവനുള്ളത് കരയുന്നു -
രക്ഷിക്കൂ...
മഴ പെയ്യുന്നു - രാത്രിമഴ
കോരിച്ചൊരിയുന്നു
ശവം പിന്നെയും കരയുന്നു...
'ശബ്ദ മലിനീകരണം! ' -
മിണ്ടാതിരിക്കൂ...
ശവം പിന്നെയും കരയുന്നു -
വീട്ടുടമസ്ഥൻ ആരെന്നറിയാതെ...
വീട്ടുടമസ്ഥൻ ഒരു മരത്തടി കയ്യിലെടുത്തു - കൊടുത്തു തലയ് ക്കൊരെണ്ണം!
ശബ്ദമലിനീകരണം നിലച്ചു -
വീട്ടുകാരൻ ചിരിച്ചു!
അയാൾ മലിനീകരണ നിയന്ത്രണ
ബോർഡ് അംഗമായിരുന്നു...
Not connected : |
