നിന്നെക്കുറിച്ചോർത്ത്..
നിന്നെക്കുറിച്ചോർത്ത്
ഞാനെ-ത്രനാളിങ്ങനെ
വെൺമയിത്താളുകളിൽ
വാക്യങ്ങൾ ഉരുട്ടിക്കയറ്റും ?
കണ്ടു നിൽക്കുന്നവർ
അറിയാതെ പറയില്ലേ ..?
നീ പണ്ട് പറഞ്ഞ പോലെ
എനിക്ക് വട്ടാണെന്ന് ....?
തൂലികത്തുമ്പിലെ നിൻശര-
ശയ്യയിൽ എന്റെയോർമ്മകൾ
പിടയുമ്പോൾ നിലവിളിച്ചതും
കണ്ണീർ പൊഴിച്ചതും ഉരുണ്ട
അക്ഷരങ്ങളും; ഇരുണ്ട്,വരണ്ടു-
ണ്ടങ്ങിയ ദ്രാവകങ്ങളുമാണ്...
മുഖം കോടിയ വാക്കുകൾ
എന്നെക്കുറിച്ചോർത്തും
ഞാൻ നിന്നെക്കുറിച്ചോർത്തും
നീ വിധിയെക്കുറിച്ചോർത്തും
വിങ്ങിയേക്കാം...
എന്നെങ്കിലും ആ കാലങ്ങൾ
നമ്മെക്കുറിച്ചോർത്തും...
വിലനല്കി വാങ്ങിയ മധുര
മൊഴികളെ ഉരുട്ട് നിർത്തി;
വിത്താക്കി നട്ട് നനയ്ക്കാം
കാലത്തിൻ പടുകുഴിയിൽ..
നൂറ് മേനി കൊയ്യാൻ കൂട്ടിന്
നിനവും നിലാവുമുണ്ടല്ലോ....!
Not connected : |
