.......മഴയായ് പൊഴിയുനീ......
മഴയായ് പൊഴിയുനീ........ ഇനി ഈ രാവില്‍......
കുളിരേറ്റു വിടര്‍ന്നൊരീ മലര്‍മൊട്ടായ്
ഒടുവിലീ മഴയായ് അലിഞ്ഞു ഞാന്‍ പാടുമ്പോള്‍
അറിയുമോ എന്‍ മനസിന്‍റെ നൊമ്പരത്തെ
നിഴലേ......പാടുന്നു ഞാന്‍..........
ഇരുട്ടിന്റെ കൂട്ടിലെ പക്ഷിയും കൂട്ടിനായ്
മീട്ടുന്നു ഗദ്ഗതമാമൊരു തംബുരു
മഴയായ് ഞാന്‍ കണ്ടതെന്നും
ഓര്‍മ്മകള്‍ മാത്രമായി...........
ഈ മഴയും ഒടുവിലാ കാലന്‍റെ തോഴനായ്‌
കാലമേ നീ കാത്ത് വച്ചോരീ മണ്‍ ചിരാതിന്‍ നാളം പോല്‍
എരിയുന്ന സൂര്യനായ് മാറുന്നു ഞാന്‍
കത്തുന്ന ജ്വാലതന്‍ താപമേറ്റ്ന്തിനോ.
ജ്വലിക്കുന്നു മുറിവേറ്റ നെഞ്ചകവും
കനല്‍ പോലെ എരിയുമെന്‍ ഓര്‍മകള്‍
അരുതേ എന്ന് ഞാന്‍ ചൊല്ലുന്ന നേരം നീ
ഇന്നീ രാവില്‍ നിലക്കാത്ത മഴയായ്
ഇടനെഞ്ചിന്‍ ഇടവഴിയില്‍
മഴയായ് പൊഴിയുനീ........ ഇനി ഈ രാവില്‍......
കുളിരേറ്റു വിടര്‍ന്നൊരീ മലര്‍മൊട്ടായ്
************ദേവന്‍************************
Not connected : |
