രണ്ട് സ്വപ്നങ്ങൾ
സംബാധിക്കണം ഇനിയുമെനിക്ക്.
കാൽക്കീഴിലാക്കണം ഈ ലോകം,
രാജകീയമായി വാണീടണം
സംവത്സരങ്ങൾ .......
ഉന്നതരാക്കണം
എൻ മക്കളെ
വണങ്ങണം ഈ ലോകം
എൻ മുന്നിൽ
വെട്ടിപ്പിടിക്കണം
എല്ലാം എനിക്കു മാത്രം
ഇനിയുമുണ്ടെന്നിൽ ബാല്യം
കഴിയുമെനിക്കതിന്ന്......!
തീരുമോ വിശപ്പിൻ കാഠിന്യം?
തീർന്നീടുമോ ഈ യാതന?
തുറിച്ചു നോക്കുന്നെന്നെ ദാരിദ്ര്യം
കടിച്ചു കീറുന്നെന്നെ ജീവിതം
ജനിച്ചതെന്തിന്ന് ഈ വിധം
തിന്നീടണം ഒരു നേരമെങ്കിലും
പോറ്റീടണം എൻ മക്കളെ
ഊട്ടീടണം എനിക്കവരെ
ചായാൻ ഒരു കൂരയെങ്കിലും
തന്നീടുമോ ദൈവമേ?
തീർക്കണം ഈ ദുരിതങ്ങൾ!
കഴിഞ്ഞ് പോയെൻ ബാല്യം
കഴിയുമോ എനിക്കതിന്ന്???
Not connected : |
