കീഴ്‌വഴക്കം
വീരാരാധനയിൽ കുടുങ്ങിയ
പ്രാർത്ഥനയും പൂജയുമായ്
നിത്യവും ആരാധിക്കുന്നവളായി
പുരുഷൻ ആരാധിക്കപ്പെടേണ്ടവനുമായി.
എല്ലാം നിഷേധിക്കപ്പെട്ട് വീട്ടിലൊതുങ്ങിയും
ഒതുക്കിയും കാഴ്ചവസ്തുക്കളായി
സൗന്ദര്യ രൂപങ്ങളായി, ആരോടും മിണ്ടാതെ
അനുസരിക്കേണ്ടവളായി,നിശബ്ദതയുടെ
സർപ്പക്കാവുകളിൽ പത്തിഉയർത്തുന്നവരുടെ
ആവേശവും അഭിനിവേശവും അക്രമവും സഹിച്ചു -
ദേവന്റെ കാരുണ്യത്തിനു നിരന്തരം വഴങ്ങി
നിയമത്തിനുപരി കിരാത സംസ്കാരമായ്.
Not connected : |
