അഴകായ്
അഴകായ് സൂര്യമുരളി
ഹൃദയ കവാടത്തിനരികിലായ് നിന്നൂ,
നിൻ സ്നേഹത്തിനായ്.............
ഒരുമിച്ചുപറക്കാൻ കൊതിച്ച ദാഹം,
മനസ്സിൻ വ്യാമോഹമെന്നോതി,ചിന്തകൾ
പറയാൻ മടിച്ച പ്രണയം, പൊട്ടിമുറിഞ്ഞു
വാക്കുകളായ് കൊഴിഞ്ഞു വീണുപോയ്........
എന്തിനോ ഉണർന്ന കിനാക്കൾ, സ്വപ്ന
പർവ്വതനിരകളിൽ തട്ടി മഞ്ഞുകണികകളായ്....
പുഷ്പദളങ്ങൾ,മട്ടുപ്പാവിൽ വീണുറങ്ങി
പോയതറിഞ്ഞീലയോ?..............
സുഗന്ധം പേറിവരുന്ന കാറ്റിനുമുണ്ടോ
പ്രണയം..............?
അവളറിയാതെ തലോടിപ്പോയ മന്ദമാരുതനു
മുണ്ടോ പ്രണയം..........
തുള്ളിമുറിയാതെ കുളിരുകോരും മഴത്തുള്ളി
ക്കുമുണ്ടോ പ്രണയം...............?
മത്സരക്കളരിയിൽ തോറ്റുപോയോ,
തെന്നലെ നീ..............
അഴകേറും താരുണ്യമേ, നീ ഒരു തൂവൽ
സ്പർശത്തിനായ് കൊതിച്ചുവോ..............?
Not connected : |
