ആത്മഗദം _രണ്ട്
ഇനിയൊരുജന്മമുണ്‍ടെന്കിലെന്‍ ജീവിതം
ഇതുപോലെതന്നെയാവേണം
സംഘബോധത്തിന്റ്റെചൈതന്യദീപ്തിയില്‍
ശബ്ദഘോഷത്തിന്റ്റെ സാരമേയാഹവം
ആത്മരോഷംപൂണ്ട പാവംമനസ്സിലേ-
യ്ക്കാളിപ്പടര്‍ത്തിയോരക്ഷരജ്വാലകള്‍
വിജ്ഞാനതൃഷ്ണയ്ക്ക്മീതെവിരിച്ചിട്ടു
വീര്‍പ്പുമുട്ടിക്കുന്ന വിജ്ഞാപനാശകള്‍
എത്രനാള്‍നീണ്ട നിതാന്ത തപസ്യയാല്‍
മിത്രങ്ങളാകിയ പുസ്തകപ്പുറ്റുകള്‍
ഒക്കെയും തീപ്പെട്ടുപോയ മനസ്സിന്റ്റെ
ഒക്കത്തിരിപ്പൂ വരണ്ട വാക്കെങ്കിലും
ഇനിയൊരു ജന്മമുണ്‍ട്ടെന്കിലെന്‍ ജീവിതം
ഇതുപോലെ തന്നെയാവേണം !!!
Not connected : |
