ഒരു ഓണക്കവിത
ഇന്നു രാവേതു പൂവിൻ നറുമണം
വെണ്ണിലാവിന്നു ചാലിച്ചു ലാലസം
മെല്ലെ മൂളിപ്പറന്നു വന്നെത്തുന്ന
കുഞ്ഞു കാറ്റൊന്നു ചൂടുന്നു സൌരഭം.
ഇന്നു പാരിൻ കിളിമരച്ചില്ലയിൽ
തെന്നലാടിക്കളിക്കുന്ന ജാലകം
ഉള്ളു തുള്ളിത്തുളുമ്പുന്നൊരോർമ്മകൾ
പൊന്നുപൂവിട്ടൊരുക്കുന്നു മാനസം.
ഇന്നു കാലം കൊഴിച്ചിട്ട പൂക്കളിൽ
കണ്ണനുണ്ണിക്കിടാവിന്നു പൂക്കളം
കണ്ടുവോണം കിനാവെങ്കിലും ഹാ..
കണ്ണു ചിമ്മിച്ചിരിക്കുന്നു താരകം.
Not connected : |
