ദില്ലിയിൽ പെയ്ത മഴയിൽ
ദില്ലിയിൽ പെയ്ത മഴയിൽ
മനസ്സ്‌ ഒന്നു തണുത്തപോലെ
വീശിയടിച്ചക്കാറ്റിൽ
നഷ്‌ടശിഷ്‌ടങ്ങള്‍ അടിച്ചുവാരി.
കാർമുകിലുകൾ ഗർജിച്ചപ്പോൾ
ലഹളവാദികൾ അവരുടെ
മതിലുകൾ പൊളിച്ചുമാറ്റി.
രക്തക്കറ തുടച്ചു ആ
പാത്തിൽ കടലാസ്സു തോണികൾ
ഒഴുകി ...
ചെറിയ മുകുളങ്ങളിൽ
കണ്ണീരൊപ്പി മഴത്തുള്ളികൾ
കിലുങ്ങി ...
നെടുവീർപ്പുണ്ടെങ്കിലും
മൂടൽമഞ്ഞിൽ ആ സ്നേഹമഴയിൽ
ഒരുമതൻ ഗാനംപാടി
വേഴാമ്പലുകൾ ഉയർന്നു പാറി.
വിനോദ് കുമാർ വി
Not connected : |
