ദേശാഭിമാനികൾ
ദേശാഭിമാനികൾ
ചോരവീണു ചുവന്നിട്ടുണ്ട് എന്റെ രാജ്യം
എന്നിട്ടും പകുത്തു തന്നതു നന്മകൾ മാത്രം
ചോരവീണു ചുവന്നിട്ടുണ്ട് എൻറെ രാജ്യം
"ഇന്ത്യ" അതിൻറെ കൊടിയിൽനിറച്ചത് പൂക്കൾമാത്രം
കുങ്കുമപ്പൂക്കൾ ഉണ്ട് ആ കോടിയിൽ വെണ്മയുള്ള
മുല്ലപ്പൂക്കൾ ഉണ്ട്, നിത്യഹരിത ശോഭയുണ്ട് .
ആ ത്രിവർണ്ണപതാക പകയില്ലാതെ പാറിടട്ടെ .
നിറവിൽ പര്‍വ്വതനിരകളിൽ വാനം തൊട്ടു പാറിടട്ടെ .
പകുത്തുതരില്ല കൈയേറ്റക്കാരാ പകർച്ചവ്യാധിക്കാരാ
പട്ടടയാക്കി നീ ലോകത്തെ ,നരിച്ചീറുപോലെ പായുന്ന
നിൻറെ ഈ പതാക അതിൽ ഒട്ടിയിരിക്കുന്നു
മാരക വൈറസുകൾ നിഗൂഢമാ നിൻറെ രക്തദാഹം ,
തുരത്തും ഞങ്ങൾ പടച്ചട്ടയണിഞ്ഞു
നിർഭയരായി ഒന്നിച്ചുനിന്ന് ,മതമില്ല
രാഷ്ട്രീയമില്ല ദേശാഭിമാനികൾ "ഇന്ത്യക്കാർ" .
വിനോദ് കുമാർ വി
Not connected : |
