വീണ്ടുമൊരു കാത്തിരിപ്പ്..
അവസാന വണ്ടിയും പോയ് മറഞ്ഞു,
അതിലുമിന്നവളെ ഞാൻ കണ്ടതില്ല.
മറയുന്ന കാലമേ നിന്നെ നോക്കി ,
മായാത്തൊരെന്നോർമ്മ പുഞ്ചിരിച്ചു ....
ഇനിയെൻറെ മോഹങ്ങൾ പൂത്തുവെങ്കിൽ,
തളിരിട്ടൊരോർമകൾ കായ്ച്ചുവെങ്കിൽ ,
ഉരുകുന്നൊരീ മനം ഉറയ്ക്കുമെങ്കിൽ ,
ഞാൻ ആലിലത്താലിയാൽ നിന്നെ കോർക്കാം ......
പഞ്ചവർണ്ണക്കിളീ നീയൊരിക്കൽ,
എൻ മാനസ വീഥിയിൽ കൂടു കൂട്ടി.
ഒരു നല്ല ചില്ല നീ കണ്ടതപ്പോൾ,
നിൻ പഞ്ജരം എന്നിൽ നിന്നകന്നതെന്തേ?
ഇനിയുമെൻ ജാലകം തുറന്നിടാം ഞാൻ ,
നീയൊരാവണിത്തെന്നലായ് മാറുമെങ്കിൽ ....
ഇനിയുമെൻ ജീവിതം ഉഴിഞ്ഞിടാം ഞാൻ ,
നീയെൻ ആത്മാവിൻ കോവിലിൽ വന്നുവെങ്കിൽ.....
Not connected : |
