അച്ചടക്കമുള്ള പെണ്ണ്
അടക്കത്തോടെയാണ് വളർന്നത്...
അച്ചടക്കത്തോടെ...
അരുതെന്ന് പറയുകയോ ! വാ പൊത്തി നിൽക്ക്
അഭിപ്രായം പറയുകയോ ! ശരി എന്ന് മുള്
സ്വപ്‌നങ്ങൾ കാണുകയോ ! പാത്രങ്ങൾ തേയ്ക്ക്
മുടിയിൽ തലോടുകയോ ! മേൽപ്പോട്ടു കെട്ട്
വാൽകഷ്ണം തിന്നുകയോ ! ചാർ കൂട്ടി തിന്ന്
തറപ്പിച്ചു നോക്കുകയോ ! തല താഴ്ത്തി നിൽക്ക്
നീയൊരു പെണ്ണാണ്....
അവൻ ആണാണ്....
അരുതെന്ന് പറഞ്ഞില്ല... വാ പൊത്തി...
ഒടുവിൽ അവർ പറഞ്ഞു
ഇവളൊരു പെണ്ണാണോ... കഷ്ടം !
" ഇവൾ പെൺവർഗത്തിനു ഒരപമാനം " അവർ പ്രസംഗിച്ചു...
പ്ലക്കാർഡുകൾ... പ്രേധിഷേധങ്ങൾ
മെഴുകുതിരി പ്രകടനങ്ങൾ...
മാധ്യമ ആഘോഷങ്ങൾ...
അരുതെന്ന് പറഞ്ഞില്ല...
ആരെയും തറപ്പിച്ചു നോക്കിയതുമില്ല...
ഞാനൊരു പെണ്ണല്ലേ....
അച്ചടക്കമുള്ള പെണ്ണ്...
Not connected : |
