പണം വെറും പിണം
പണം വെറും പിണം
ചില്ലറകൾ നിറച്ച അമ്പലനടയിലെ
കാണിക്കവഞ്ചിയിൽ
ചില്ലറകൾ നിറച്ചപള്ളികൾ തൻ
ഭണ്ഡാരപ്പെട്ടിയിൽ ...
പണം വെറും പിണം.
നോട്ടുകെട്ടുകൾ അട്ടിയാക്കിവെച്ചാ
കട്ടിലിൽ സ്വസ്ഥതയില്ലാതെ
കിടന്നവർ, സ്വിസ് ബാങ്കിൽ
കോടികൾ നിക്ഷേപിച്ചവർ .....
പലിശയ്‌ക്കു കൊടുത്തവർ
ഈ വഴികളിലൂടെ നടന്നുകണ്ടു
പണം വെറും പിണം.
നീർക്കുമിളകൾ പോലെയുള്ള
ആ ശ്വാസകോശങ്ങളിൽ
സൂക്ഷ്‌മാണു നിറഞ്ഞപ്പോൾ
വഞ്ചി വേണ്ട പെട്ടി വേണ്ട
വണ്ടി വേണ്ട വീട് വേണ്ട
കുന്നായ്മകൾ വേണ്ട,"മരുന്നുവേണം".
മരുന്നില്ലാത്ത മഹാമാരിയിൽ
എല്ലാം വിട്ടുപോക്ക്
ഒത്തിരിപ്പേരുടെ വിട്ടുപോക്ക് .
പരതുനില്ലാരുമിവിടെ പണം
ആ കടലാസുകൾ വെള്ളിത്തുട്ടുകൾ
കണ്ടോ ,വെറും പിണം,വിശപ്പുണ്ട്
വേണം എരിദാഹക്കഞ്ഞി.
നടന്നു പോകാൻ ഇനിയുണ്ട് ദൂരം...
വിനോദ് കുമാർ വി
Not connected : |
