എന്‍റെ കാമുകിക്ക്
നിലാവോ താരകളോ
നിഴല്‍ വീണ മാനസമോ
നിരാലംബ നിമിഷത്തില്‍
നിറയുന്ന മൂകതയോ
നിലവിട്ടൊരു കവിയാക്കി എന്നെ
നിലനില്‍പ്പുകള്‍ കളിയാക്കി
നീ വിരിഞ്ഞ നാളുകളില്‍
നീറി ഞാനിരുന്ന നാഴികകള്‍
നീട്ടി അന്നൊരു നായികയെ
നിത്യ സുന്ദര കാമിനിയെ
നിന്‍റെ ഗമന വീഥികളില്‍
നിരങ്ങും പ്രേമ യാചനകള്‍
നിശബ്ദമാമീ വേദനകള്‍
നിനവിലോളം തീര്‍ക്കുമോ
നീലരാവും മറയവേ
നിവേദ്യ ശൂന്യ ഉരുളിയും
നിനക്കായ് നോറ്റ നൊയമ്പുകളും
നിശേഷം ഭ്രാന്തുമായ് ഞാനും
Not connected : |
