പ്ലാസ്റ്റിക്ക് ജീവിതം
തിളക്കമുള്ള ബാനറാണി,
തൊന്നു തൂക്കു കൈകളില്‍
ഒരെണ്ണ,മെന്റെ വണ്ടിയില്‍,
ഒന്നു നിന്റെ സഞ്ചിയില്‍
അതിന്റെയുള്ളില്‍ ഭാവിയും.
തെഴുക്കുവാന്‍ തലമുറയ്ക്കൊരുക്കി വച്ച ഭോജനം
വൃകോദരം മിടിക്കു,മാത്മനൊമ്പരപ്പൊരുളുകള്‍
ഹിമത്തണുപ്പെഴുന്ന നീര്‍
നുരഞ്ഞൊഴിഞ്ഞ കുപ്പികള്‍
ഗൃഹാതുരത്വഗന്ധമായ്
കറിപ്പൊടിക്കവറുകള്‍
മലക്കറി, മരുന്നുകള്‍, മറന്നുണര്‍ന്നൊരോര്‍മ്മകള്‍
പറിഞ്ഞുപോയ ചക്രവും തിരഞ്ഞുലഞ്ഞ തേരുകള്‍.
പറന്നുപോകു,മേടുകള്‍ നിറഞ്ഞ നിത്യ നിന്ദകള്‍,
ഉടുത്തൊരുങ്ങി വീടുകള്‍ തിരക്കിടുന്ന രാപ്പകല്‍.
പിരിഞ്ഞു പഞ്ചഭൂതമായ് ലയിച്ചിടാതെ മൂലയില്‍
കുമിഞ്ഞു കുമ്പസ്സാരഭാര,മേറ്റിടും കിനാവുകള്‍.
എന്റെ, നിന്റെ വര്‍ത്തമാന,മെഴുതി വച്ച സൂചിക
നാമുയര്‍ത്തി വീശുകീ വരേണ്യവര്‍ഗ്ഗ കാമന.
Not connected : |
