കടിഞ്ഞാണ്‍
കടിച്ചുപിടിച്ചവരിടയ്ക്കിടെ പറയുന്നു
കടിഞ്ഞാണു പടയ്ക്കേണമുടനെ തന്നെ
കടിഞ്ഞാണിൻ ചരടിൻറെയവസാനമെടുക്കുവാൻ
അടിവെക്കുന്നവരാരുമൊരുക്കമല്ല
മെലിയാതെതൊഴുത്തിലായലറിമറിക്കുന്ന
കലിവീരനൊരുകൂച്ചുവിലങ്ങുവേണം
പുലിപോലെവരുന്നവരെലിപോലുമാകാത്ത
പലവേലയവൻ പുറത്തെടുത്തിടുന്നു
പലനാളായ് ക്ഷമിക്കുന്നു പരിഹാരമിനിയില്ല
കലഹിക്കുന്നവരെല്ലാമൊരുമിക്കുന്നു
കലികാലമിതെന്നത്രെ പറയേണ്ടൂ വിശേഷിച്ചും
വലതിൻറെയകത്തളം പരമകഷ്ടം
Not connected : |
