ദുര്ഗന്ധമീ ലോകം
ദുർഗന്ധം വമിക്കുന്നു എന്ന പരാതി
പറഞ്ഞു പൊട്ടിയൊലിച്ച
വ്രണങ്ങളുള്ള പെറ്റമ്മയുടെ ഒട്ടിയ ദേഹം
താങ്ങിയെടുത്ത്ചവറു കൂനയിലെറിഞ്ഞു
ആ മകൻ തിരിഞ്ഞു നടന്നപ്പോൾ
ചവറുകൾ അഴുകിയ ഗന്ധത്തെക്കാളും
പഴുത്തു നാറുന്ന ശരീരത്തേക്കാളും
അസഹ്യമായ നാറ്റം മകനുണ്ടാക്കിയ
മനസ്സിലെ മുറിവ് ചീഞ്ഞൊലിക്കുമ്പോഴെന്ന്
തിരിച്ചറിഞ്ഞ ആ മാതാവ്‌ ഉള്ളില നിന്നും
പുറത്തേക്കു വീശിയടിക്കുന്ന നാറ്റം
സഹിക്കാതെ മൂക്ക് പൊത്തി.
വരണ്ട കണ്ണുകളിൽ നിന്നും ഒലിച്ചിറങ്ങിയ
കണ്ണീരിൽ അലിഞ്ഞലിഞ്ഞ് ആ ദുർഭല
ഗര്ഭപാത്രം ഇല്ലാതായി.
Not connected : |
