തിങ്കൾ 

താളബദ്ധമാം-
തുടിപ്പിൻ ധ്വനികൾ,
വാക്കുകൾ കാതോർത്ത്,
ലാവണ്യ വദനം തേടി...
ഉയരും മോഹകിനാ വീചികൾ,
വിദൂരതയിൽ തെളിയും-
മായാഗനയെ തേടി..

അലയുമീ ഊഴി ഉറങ്ങും-
ആഴിത്തൻ ഗർത്തങ്ങൾ താണ്ടി..

പ്രഭാത ദേവൻത്തൻ സഖിയാം
പത്മ ദളങ്ങളിൽ തത്തി,
ഹിമഗിരിയെ ആർദ്രമാക്കും
ആദിത്യ പുത്രനെ വണങ്ങി,
അരുണാഭമാം പൊയ്കത്തൻ-
മെയ്, വാരിപുണർന്ന്
ഉയർന്നു പൊങ്ങി, നിശാ-
താരങ്ങളെയും തലോടി

തിങ്കളിൻ താഴ് വരയിൽ-
എത്തി നിൽപൂ, പ്രിയംവതയെ
തേടിയുളൊരീ യാത്ര..

ഋതുക്കൾ മാറിമറഞ്ഞീടും,
കാലസൂചി എങ്ങും നിലക്കാ-
യാത്രയിലാഴ്ന്നിടും,
എങ്കിലും മമസഖിതൻ
വദന കാന്തി
മായുമോ എന്നുള്ളിൽ,
മണ്ണിൽ മറഞ്ഞീടും-
വരെയും..

0

രചിച്ചത്:Sreenath
തീയതി:04-10-2015 12:53:04 PM
Added by :Sreenath
വീക്ഷണം:146
നിങ്ങളുടെ കവിത സമ്മര്‍പ്പിക്കാന്‍