-റെയിൽവെ സ്റ്റേഷൻ- (ഒരു പെണ്ണിൻ്റെ കവിത)
അപരിചിതരുടെ ഗദ്ഗദങ്ങൾ
ചുമച്ച് ബ്രേക്കിട്ടു,
പുതിയ നിശ്വാസത്തിൻ്റെ
പുകച്ചുരുളുകൾ
ചൂളം വിളിച്ച് തുടങ്ങി!
ഈ യാത്രയിൽ എനിക്ക്
പൊട്ടിച്ചിരിക്കാം,
പഴമയുടെ ഓർമ്മകളിൽ
പുറത്തേക്ക് നോക്കാം.
വിഡ്ഢിയെപ്പോലെ
തല കുലുക്കി മറുപടി പറയാം!
(വരിഞ്ഞുമുറുക്കി ഉറപ്പിച്ച
നമ്മുടെ പ്രണയം,
നീയും,
മറ്റെല്ലാവരും ആസ്വദിക്കട്ടെ!
പെറ്റു വളർത്തിയ
കണ്ണുകളും
കാതുകളും,
പൊട്ടിയൊലിക്കട്ടെ..! )
ഇനിയും,
ആത്മഹത്യ
ഒന്നിനും പരിഹാരമല്ലെന്ന്
നിങ്ങൾക്കെന്നെ
ബോദ്ധ്യപ്പെടുത്താനാകുമായിരിക്കും,
എങ്കിലും!
Not connected : |
