മൊബൈൽ വാണിടും കാലം
കപടനാട്യങ്ങൾ അരങ്ങു വാണിടും
പുതുയുഗത്തിലായ് നാം വസിപ്പൂ
അതിലേറ്റവും ഭീതിയുളവാക്കിടും
മൊബൈലെന്നൊരാ മാരകായുധം
ഈ നവയുഗത്തിൻ താരമാം മൊബൈൽ
നമുക്കേവർക്കും ചങ്ങാതിയാകിലും, ചില
നേരം ഇതുതൻ ദുരുപയോഗത്തിനാൽ
ഇവനൊരു ശത്രുവായ് നമുക്കു ഭവിച്ചിടും
വാഹനനിബിഢമാം പാതയൊന്നിൽ
ശിരസ്സറ്റ ദേഹവും, അലറിക്കരയുന്ന
അംഗഭംഗം വന്ന ഹതഭാഗ്യമനുജനെയും
മൊബൈലിൽ പകർത്തുന്ന നവലോകം
അമ്മ- പെങ്ങമ്മാർതൻ കുളിപ്പുരയിലെ
നഗ്ന ദൃശ്യങ്ങൾ മൊബൈലിൽ പകർത്തി
അവയെ പരസ്പരം പങ്കുവച്ചുല്ലസിക്കും
ഭ്രാന്തരാം സന്താനങ്ങൾതൻ നവലോകം
ഇതു താൻ പുത്തൻ പരിഷ്ക്കാരമോ?
ഇതു താൻ നവയുഗപ്പിറവിയോ?ചൊല്ലൂ
അനാഗരികമാമീ ഹീന പ്രവർത്തികൾ
എന്നു നീങ്ങിടുമീ നവയുഗത്തിൽ നിന്നും
Not connected : |
