ധനമാണ് സർവ്വസ്വം - തത്ത്വചിന്തകവിതകള്‍

ധനമാണ് സർവ്വസ്വം 

ധനമാണ് സർവ്വസ്വം

ജീവിതമാകും മലർവാടി തന്നിലെ
സുന്ദര സൂനമായ് നിന്നു വിലസവേ
പ്രിയതമൻ നീയെൻറെ ചാരത്തണയുകിൽ
പ്രണയത്തിൻ മധുവൂട്ടി സായൂജ്യമേകുവാൻ

ധർമ്മം സമാജം സ്വജനമെന്നിത്യാദി
മലയോളം പോരും കടമ്പകൾ താണ്ടാതെ
ബന്ധങ്ങളാകുന്ന ബന്ധനങ്ങൾ തകർ-
ത്തെന്തേ സ്വതന്ത്രമായ് നിന്നുകൂടാ.

ധനമാണ് സർവ്വസ്വം സത്യവും നീതിയു-
മിതര സദാചാര നിയമങ്ങളും
സുഖ ജീവിതത്തിന്നതിരുകൾ തീർക്കുന്ന
സമുദായ ധാർമ്മിക രീതികളും.

അതിരുകളെല്ലാം ധനത്തിൻ വിരുതിനാൽ
വെയിലത്ത് മഞ്ഞുപോൽ മാഞ്ഞുപോകും
ഇനിയുമീ ചിന്താകുലമായ മൗനത്തി-
ന്നർത്ഥമൊന്നോതുമോ ജീവനാഥാ!.

ആദിത്യനാഴിയെ പുണരാനടുത്തൊരീ
അനുരാഗസാന്ദ്രമാം സായാഹ്നവേളയിൽ
അനുഭൂതിയെന്തെന്നറിയാതെയിങ്ങനെ
അതുമിതും ചിന്തിച്ചുദാസീനനായിടാ.

എസ് ഏ അൽഅൻസാരി


up
0
dowm

രചിച്ചത്:എസ് ഏ അൽഅൻസാരി
തീയതി:18-08-2016 06:02:55 PM
Added by :എസ് ഏ അൽഅൻസാരി
വീക്ഷണം:90
നിങ്ങളുടെ കവിത സമ്മര്‍പ്പിക്കാന്‍


കൂട്ടുകാര്‍ക്കും കാണാന്‍

Get Code


Not connected :