ഹൃദയത്തിൻ ശബ്ദം
ഹൃദയത്തിൻ തന്ത്രികൾ കടം കൊടുത്തൂ ഞാൻ
അതിൻ വിലയിത്ര വലുതെന്നറിഞ്ഞീലൊരിക്കലും...
ആത്മാവിൻ വേലിയേറ്റത്തിൽ പെട്ടുഴലുന്ന
എന്നകതാരിൻ നൊമ്പരം കേൾക്കുന്നില്ലയോ നീ
അരുതരുതെന്നെത്ര കേണൂ ഇവൾ
അമൃതാകിലുമിതു നീ പകരരുതെന്നോതി...
അധികമായിട്ടതെൻ തൊണ്ടക്കുഴിയിലങ്ങിനെ കിടക്കുന്നു....ഇറക്കുവാനും കളഞ്ഞിടാനും വയ്യാതെ....
ഈ നീറ്റലിന്നറുതിയില്ലയോ ഭവാൻ
രണ്ടറ്റവും കൂട്ടിമുട്ടില്ലാ നിസ്സംശയം...
ചോരയൂറ്റിക്കുടിച്ചതെന്നാത്മാവിനേയും
ചണ്ടിയാക്കി വലിച്ചെറിഞ്ഞിടും ഈ ദേഹത്തെയും....
....
Not connected : |
