പ്രായം
ആരോ കുറിച്ചിട്ട അക്കങ്ങളിൽ
പൊരുളറിയാതെ പല്ലിളിക്കുന്നു
നരവീണതിന്റെ പേരിൽ മാത്രം
കിളവനെന്നു കളിയാക്കരുതേ
പല്ലുകൾ കൊഴിഞ്ഞു പോയത്
കാലത്തിൻ കരിങ്കല്ലു കടിച്ചാണ്
തൊലി ചുളിഞ്ഞു വിണ്ടു കീറിയത്
പെയ്യാത്ത കാമമോർത്താണ്
ഇടയ്ക്കിടെ ചുമച്ചു തുപ്പുന്നത്
യൗവ്വനം പടുത്ത ചോര ചുമപ്പാണ്
നടത്തക്കൂന്നു വടികളായ് നിന്നതോ
പൊട്ടിച്ചെടുത്ത നട്ടെല്ലാണ്
നാട്യങ്ങളില്ലാതെ നിന്നോട് ചിരിച്ചത്
മറവിയുടെ മാറാ രോഗങ്ങളാണ്
ആറു കാലിലേറി യാത്ര പോവുമ്പോൾ
പ്രായമേറിച്ചത്തെന്നു മാത്രം
പറഞ്ഞു പോവരുതേ ദയ ചെയ്ത്
Not connected : |
