പുതിയൊരു മുഖം
പത്തുമാസം മുങ്ങി പൊങ്ങി
പലവുരു വേദനയുമായ്
വിലാപത്തിന്റെ രഹസ്യങ്ങൾ
അന്തിമ നിമിഷത്തിലെത്തി.
മോചനത്തിന്റെ സ്വരങ്ങളും
മോഹങ്ങളുടെ സ്വരങ്ങളും
വേദനയുടെ സ്വരങ്ങളും
മത്സരിച്ചു പുറത്തേക്കുള്ള
ജന്മഗോപുരം തുറന്നിടാൻ,
പ്രകൃതി കണ്ട സ്വകർമത്തിൽ.
വിലയൊന്നുമെടുക്കാതെ
വിലയൊന്നും കൊടുക്കാതെ
വേർപാടിന്റെ ദുഃഖം പോലെ
അലറിക്കരയുന്നപോലെ
രണ്ടുപേർ അമ്മയും കുഞ്ഞും ,
പുത്തൻ മുഖ പടങ്ങളീ-
ഭൂമിയിൽ നീന്തിക്കളിക്കാൻ
പുതിയൊരു തുടക്കമായ്
കണ്ണീരിൻ വിനോദയാത്ര
സുന്ദര സ്വപ്നങ്ങളായി.
Not connected : |
