ഞാൻ  - തത്ത്വചിന്തകവിതകള്‍

ഞാൻ  

കാലമേ നിന്നിലെരിയും തീനാളമായ് ഞാൻ
ഭൂതകാലത്തിൻ ഓർമ്മകളെ ജീവിതമാം തീരത്ത്
ബലിതർപ്പണം ചെയ്തൊരാ
ചുടലപ്പറമ്പിലെ ഒടുവിലാം തീജ്വാലപോൽ നിൽപ്പൂ ഞാൻ
കാലം കാത്തുവെച്ച കൽത്തിരി പോൽ
വിധി തൻ ചുഴലിയിൽ ആടിയുലയും ഏകനാം മാനവൻ
അക്ഷരമാം അഗ്നിയെനിക്കേകിയ പരബ്രഹ്മത്തെ
മറന്നൊരു കേവലമാം മർത്യൻ ഞാൻ
ദേഹിയാം ദേഹത്തെ വെടിഞ്ഞൊരെൻ ആത്മാവിനെ തേടുന്നു ഞാൻ
എവിടെ ഞാനത് കണ്ടെത്തും ?
ഒരു ജന്മം കേവലമൊരു ചാൺ കയറിലൊടുക്കിയ എൻ താതനിലോ ?
അതോ ഒരു ജന്മം മുഴുവനെനിക്കായ് ഉഴിഞ്ഞു വെച്ചൊരെൻ ജനനിയിലോ ?
അതോ അജ്ഞാനമാം തമസ്സിനെ നീക്കി
ജ്ഞാന പ്രകാശമെനിക്കേകിയ എൻ ഗുരുനാഥനിലോ ?
എവിടെ എന്നാലോചിച്ചൊടുവിൽ ഞാനത് കണ്ടെത്തി....
എന്നിലായിരുന്നത്....ഞാനെന്ന ഭാവമായിരുന്നത്....
ഞാൻ.... ഞാൻ.... ഞാൻ ഞാനെന്ന ചിന്തയായിരുന്നത്....
എനിക്കായ് കാലമൊരുക്കിയ ചിതയിൽ കെട്ടടങ്ങാനൊരുങ്ങവേ
ഞാനറിഞ്ഞു എന്നിലേ ഞാനെന്ന ഭാവത്തെ....
ബ്രഹ്മനെനിക്കേകിയ വിദ്യയെ മറന്ന് ഏതോ വഴിമ്പലങ്ങളിൽ
ഞാൻ തേടിയിറങ്ങിയ എൻ ആത്മാവിനെ....
ഒടുവിൽ മൃത്യുവിൻ അഗ്നിയിലെരിഞ്ഞൊടുങ്ങും
കേവലമൊരു പുൽക്കൊടിപോൽ ഞാനറിഞ്ഞൂ..
എന്നിലെ ഞാനിനി ഇല്ലെന്ന്....
ജീവിതമെന്ന മരീചിക മാഞ്ഞുപോകുമെന്ന്....


up
0
dowm

രചിച്ചത്:Chris
തീയതി:16-06-2018 10:16:28 AM
Added by :Trilok
വീക്ഷണം:87
നിങ്ങളുടെ കവിത സമ്മര്‍പ്പിക്കാന്‍


കൂട്ടുകാര്‍ക്കും കാണാന്‍

Get Code



നിങ്ങളുടെ അഭിപ്രായം

മലയാളം കവിതകള്‍ / Malayalam Kavithakal (Poems)


മലയാള കവിത | Malayalam Kavitha

പുതുതായി ചേര്‍ന്നതു

ഈ മാസ വിജയിതാവ്

Random കവിതകള്‍

web hosting

For Advertising, Contact

കവിതകള്‍

ഇതും നോക്കുക

Live Cricket Scores

അധികം എഴുതിയവര്‍ (Top Contributors)

ഈ മാസം അധികം എഴുതിയവര്‍

Join Vaakyam on follow me