മരണശേഷം, 

മരണശേഷം,
മരവിച്ച കൈക്കുമ്പിളുകൾ
അറുത്തെടുത്തെന്റെ ഇരുകാതുകളും
അടച്ചു  തുന്നിച്ചേർക്കുക..

ഇനി, ശാപവചനങ്ങൾ ഉരുവിട്ടെന്റെ
മരണക്കിടക്കയെ
ചുടുനാമ്പുകൊണ്ട് ദഹിപ്പിക്കുക....

ധൂമനാളങ്ങളുയിർന്ന്
ദുഗന്ധം പരക്കുമ്പോൾ,
ദുഷ്ടാരൂപിയെ
മുറം ആട്ടി പായിക്കുക.

ഇരുണ്ട മേഘങ്ങളിൽ നിന്നും
അറ്റമില്ലാത്ത മഴനൂലുകൾ പതിച്ചെന്റെ
ചിതയുടെ കിതപ്പാ-
റി തണുത്ത ശേഷം,
അസ്ഥിനുറുങ്ങുകൾ മൺകുടത്തിലാക്കി,
ഞാൻ തീരാതെ  വെച്ച എന്റെ
മനോഭ്രമങ്ങളെ തളച്ചിടുക.

പിണ്ഡമുരുട്ടിവെച്ചതിൽ
ബാക്കി വന്ന ബലിചോറുരുളകൾ
അടുത്തുള്ള-നാഥാലയത്തിലേൽപ്പിച്ചതിനു പിറകെ,
എന്റെ അമ്മയെ കണ്ട്
മടങ്ങിപ്പോയ്ക്കൊൾക.

ഒളിച്ചിരുന്നുറക്കെ കരയുവാനുളള സ്വയാധികാരം
എന്റെ പ്രേതത്തിനു നല്കുക.

ഇനിയെങ്കിലും
ഉറങ്ങുവാനനുവദിക്കണം,
ഒരു ചിന്തയാൽപ്പോലുമെന്നെ കുത്തി നോവിക്കാതെ...
ഉറക്കമുണരുന്ന ആത്മാവിന്,
ചെതലിച്ച തലയോടിൻ കഷണങ്ങൾ കാഴ്ച വെക്കണം.
എന്റെ മരണം,
എന്റെ മാത്രം സ്വകാര്യത.

0

രചിച്ചത്:ഡാനി
തീയതി:23-12-2018 12:17:52 AM
Added by :Supertramp
വീക്ഷണം:44
നിങ്ങളുടെ കവിത സമ്മര്‍പ്പിക്കാന്‍