ജലശംഖ്
ജലശംഖ്
നീ എൻ ജലശംഖ് !
എന്നുൾക്കടലിന്നേ
റ്റിറക്കങ്ങളൊരു
മൂളലിലൊതുക്കി
നിന്നുള്ളിലെന്നുയിരിന്നലയുംകാറ്റുമടക്കി
എന്നുൾത്തടത്തിന്നി രുട്ടറകളിലുണർവിൻ ബോധശംഖൊലി മുഴക്കി ഞാനറിയാതെൻ പ്രാണനു ജീവജലമേകി
നീ ക്ഷണികമൊരു ഹിമകണിക തൻ വെണ്മ !
മൊട്ടിട്ട മുല്ല പോൽ പാല്പുഞ്ചിരി പൊഴിയ്ക്കും കുഞ്ഞിൻ വിശുദ്ധി !
ചിലപ്പോൾ നീയെൻ കണ്ണീരാഴിതന്നാ ഴങ്ങളിൽ ഞാനൊളിപ്പിച്ച കണ്ണീരുപ്പുറഞ്ഞ വെണ്നീർതുള്ളി !
ഉള്ളിലോ ? പലജൻമങ്ങളലഞ്ഞിട്ടൊടുവിൽ വിലയം കൊണ്ട കാറ്റിന്നിരമ്പൽ !
പുറംകാണാതുള്ളടങ്ങാതൊടുങ്ങുമതിൻ നെടുവീർപ്പിൻ മൂളൽ !
എങ്കിലും..ഞാനറിയാത്തലോകത്തേയ്ക്കൊരു ചെറുകാറ്റിരമ്പലായെന്നുയിരെയുണർത്തും ഓംകാരം !
നീ വിശ്വത്തിൻ പെരുളൊരു
വലം പിരിയായൊതുക്കി
മൗനമായ്എന്നാത്മതലങ്ങളെയുണർത്തു -
മപാരതതൻ ആനന്ദം !
-ലക്ഷ്മി പ്രിയദർശിനി
Not connected : |
