നീ യാത്രയാകുമ്പോള്‍......
നീ യാത്രയാവുമ്പോള്‍
ഞാന്‍ ബാക്കിയാവുന്നു
എന്നുറവതന്‍തീരത്തുറങ്ങാതെ
ഞാന്‍മാത്രമാവുന്നു.
നിന്‍റെ ജാലകങ്ങളടഞ്ഞിടുന്നു
എന്‍റെ ജാലകം നിനക്കായ്‌
മലര്‍ക്കെ തുറന്നിടുന്നു.
തിരികെനല്‍കുന്നു നിന്നെ
നിനക്കായെന്നുള്ളില്‍നിന്നും
നിന്‍റെവഴികള്‍തേടിയലയുകനീ
എന്നെ നിനക്കായ്‌ വിസ്മരിചീടുക.
"സംഭവ്യമല്ല നിനക്കൊന്നുമേ
ഞാനകന്നാല്‍, എങ്കിലു-
മേന്നില്‍നിന്നകലുമെന്‍പ്രാണ
സഖിയാണെനിക്കുനീ.
എങ്കിലുമറിയാതെ പോവതെന്തേ
നഗ്നമാമെന്നന്തരാത്മാവിനെപോലും
അറിയുന്നു നിന്നെഞാനേറെയെങ്കിലു-
മറിയാതെപോവതെന്തേ ?
Not connected : |
