വിഷുക്കാലമായാൽ..
വിഷുക്കാലമായാൽ കണിക്കൊന്ന പൂക്കും
മക്കളെ കാണുന്നൊരമ്മയെപ്പോലെ
വിരഹക്കനൽക്കാറ്റുണക്കിയ ചില്ലകൾ
വീണ്ടും വസന്തോത്സവത്തിനൊരുങ്ങും
വേർപെട്ടുപോയ വിഷുപ്പക്ഷി വീണ്ടും
വയൽപ്പാട്ടു പാടാൻ പറന്നണഞ്ഞീടും
കല്പവൃക്ഷങ്ങളാൽ ചാമരം വീശും
കനകസംവീതമാം വയലേലകൾ..
കനകാംബരപ്പൂക്കൾ കാണിക്കവെക്കും
കലാതിവർത്തിയാം കർമ്മസാക്ഷി..
കണികാണുവാനായ് തൊഴുതുനിന്നീടും
കാലങ്ങളാറും വടക്കിനിതിണ്ണയിൽ
Not connected : |
