സ്വപ്നങ്ങൾ - തത്ത്വചിന്തകവിതകള്‍

സ്വപ്നങ്ങൾ 

ചില സ്വപ്നങ്ങൾ,
സ്വപ്നങ്ങളായ് തന്നെ അങ്ങ് കരുതി വെക്കണം.
ഇഷ്ട്ടപ്പെട്ട ജോലിയും ചെയ്ത്,
ആശിച്ച പെണ്ണിനേയും കെട്ടി,
മോഹിച്ച കാറും വാങ്ങി,
ഇച്ഛിച്ച വീടും പണിത്,
ഒടുവിൽ ഒരു നാൾ കബറിലേക്കൊരുങ്ങി കിടക്കുമ്പോൾ,
തിരിഞ്ഞ് നോക്കി
ഒന്ന് നെടുവീർപ്പെടാൻ,
നഷ്ട്ടപ്പെട്ടതൊക്കെയോർത്ത് ഒന്ന് പുഞ്ചിരിക്കുവാൻ കഴിഞ്ഞില്ലെങ്കിൽ,
പിന്നെ എന്ത് ജീവിതം?
എന്തു മരണം?
ചില സ്വപ്നങ്ങൾ,
സ്വപ്നങ്ങളായ് തന്നെ അങ്ങ് കരുതി വെക്കണം.
മുടിയെല്ലാം കൊഴിഞ്ഞ്,
കൂനുക്കുത്തി,
ഉമ്മറത്തിണ്ണയിലിരുന്ന്
മഴച്ചാറ്റലേൽക്കുമ്പോൾ,
മഴയുടെ ശബ്ദത്തിന് കാത് കൊടുക്കുമ്പോൾ
ഒന്ന് നെടുവീർപ്പെടാൻ,
നഷ്ട്ടപ്പെട്ടതൊക്കെയോർത്ത് ഒന്ന് പുഞ്ചിരിക്കുവാൻ -
ചില സ്വപ്നങ്ങൾ - നമ്മൾ,
സ്വപ്നങ്ങളായ് തന്നെ കരുതിവെക്കണം.
അങ്ങനെ വേണം.
അങ്ങനേ പാടൂ...
ഒരുപക്ഷെ,
കരുതിവെക്കുന്ന ആ ചില സ്വപ്നങ്ങളിലൂടെയാവാം,
സുഹൃത്തെ,
അടുത്ത ജന്മം നാം കണ്ടുമുട്ടുക.

രാത്രിമഴ.


up
0
dowm

രചിച്ചത്:Danny Supertramp
തീയതി:17-07-2020 10:34:26 PM
Added by :Supertramp
വീക്ഷണം:51
നിങ്ങളുടെ കവിത സമ്മര്‍പ്പിക്കാന്‍


കൂട്ടുകാര്‍ക്കും കാണാന്‍

Get Code



നിങ്ങളുടെ അഭിപ്രായം

മലയാളം കവിതകള്‍ / Malayalam Kavithakal (Poems)


മലയാള കവിത | Malayalam Kavitha

ജന്മദിന ആശംസകള്‍

പുതുതായി ചേര്‍ന്നതു

ഈ മാസ വിജയിതാവ്

Random കവിതകള്‍

web hosting

For Advertising, Contact

കവിതകള്‍

ഇതും നോക്കുക

Live Cricket Scores

അധികം എഴുതിയവര്‍ (Top Contributors)

ഈ മാസം അധികം എഴുതിയവര്‍

Join Vaakyam on follow me