എനിക്ക് പേടിയാവുന്നു
ക്ലാസ്സിലെനിക്ക് ന്രുത്തത്തിന്നുചേരുവാന്‍
കസവിന്റ്റെ കുപ്പായം തുന്നിടണം
മൂന്നില്‍ പഠിക്കുമെന്‍ മോളു വന്നെന്‍
മുന്നില്‍ നിവേദന ക്കെട്ടഴിച്ചു
കുഞ്ഞിന്നുറപ്പ് കൊടുത്തങ്ങിരിക്കവേ
കുത്തഴിഞ്ഞൂര്‍ന്നു വീഴുന്നശുഭ ചിന്തകള്‍
കസവെന്നു ചൊല്ലുവാന്‍ പേടിയാവുന്നു
കസബെന്നു തെറ്റിദ്ധരിച്ചു പോയാലോ !
മിന്നിത്തിളങ്ങുന്ന താരങ്ങളൊന്നും
പൊന്നല്ല യൊക്കെ നന്നായിട്ടറിയാം
എങ്കിലും കാലം കലികാലമല്ലേ
പങ്കിലമല്ലേ പ്രപഞ് ചം മുഴുവന്‍
കറുപ്പെന്നു കേട്ടാല്‍ അത് കാക്ക തന്നെ !
വെളുപ്പ്‌ കണ്ടെന്നാല്‍ വെളുക്കെ ചിരിക്കാം !
കാണരുത് ;കണ്ണില്‍ അമ്ലമഴ ചീറ്റും
കേള്‍ക്കരുത്‌ ;കാതില്‍ ഈയമിറ്റിക്കും
മിണ്ടരുത് ;നാവരിഞ്ഞുപ്പിലിട്ടേക്കാം
മിന്നായമായ്പ്പോലും നന്മ തെളിയല്ലേ
മന്നിലെനിക്കല്പ്പ നാള്‍ കൂടിവേണം !
Not connected : |
