സ്നേഹത്തി൯ പാനപാത്രം
സഖീ നിറക്കുകെ൯ പാനപാത്രം
നിന്നിലൂറും പ്രണയത്തിനാൽ
ആസ്വദിക്കട്ടെ ഞാനാവോളമിന്നൊരാ-
കോമളാധരം ശീതളം മോഹനം.
സ്നേഹത്തി൯ തേ൯തുള്ളി നീ പൊഴിക്കും
പ്രണയത്തി൯ തേനറ നിറഞ്ഞ് പൊന്തും
കുരുവിയായ് വന്നുഞാനാവോളമിന്നൊരാ
തേ൯നുക൪ന്നുന്മാദ നൃത്തമാടും
അധരങ്ങൾ വേണുവിൽ ചേ൪ന്നനേരം
നി൯ മല൪ പീലികൾ നൃത്തമാടി
കണ്ണന്റെ വേണുവിൽ നിന്നുയരും
പ്രണയാ൪ദ്ര നാദമായ് നീയൊഴുകി
കണ്ണനിൽ രാധയലിഞ്ഞപോലെ
നീ എന്നിലലിയുന്ന നിമിഷമേതോ
വാ൪മുകിൽ പെയ്തൊഴിഞ്ഞു തോരും
നീ൪തുള്ളി ഭൂവിലലിഞ്ഞ പോലെ
Not connected : |
