ന്യൂ ജനറേഷനും മുത്തശ്ശിയും
"ഉണ്ണുന്നനേരത്തെഴുന്നള്ളിയാരോ
തിണ്ണയിലൊരിലവിരിച്ചേക്കെടിമോളേ"
പോയകാലത്തിന്റെപ്രൗഡസ്മരണയിൽ
പാവമാമുത്തശ്ശിപയ്യെപ്പറഞ്ഞു
"പ്രാതൽകുശാലായ് വിഴുങ്ങിയല്ലോഅമ്മ
പോയിക്കിട..."മകൾപിറുപിറുക്കുന്നു
മെഡിസിനുചേരുവാൻ തയ്യാറെടുക്കുന്ന
മിഡിധാരിമെല്ലെച്ചിരിച്ചുമൊഴിയുന്നു:
"എക്സ്പെയറിയായമെഡിസിനാണമ്മൂമ്മ;
എത്രയും വേഗമത് ഡിസ്പോസ് ചെയ്യണം "
ക്രിക്കറ്റ് ലൈവ് കണ്ടോണ്ടങ്ങിരിക്കുന്ന
ചെക്കന്റെവകയാംകമന്ററിവരുന്നു:
"സെഞ്ച്വറികാണാതെപോവില്ലതള്ള
ഇഞ്ച്വറിപറ്റിയാ നാംരക്ഷപെട്ടു "
കേട്ടതുകേൾക്കാത്തമട്ടിലാമുത്തശ്ശി
നോട്ടത്തിലൂടെയ്തു :"ഇന്നുഞാൻനാളെനീ "!
Not connected : |
