മായാതെ .....മധുരമായ് ....
എന്നെക്കുറിച്ചു ഞാനോർക്കുമ്പോളൊക്കെയും
നിന്നെക്കുറിച്ചു ഞാനോർക്കും
ഓർക്കരുതെന്നോർത്തിരിക്കുന്നവേളയിൽ
ഓർമ്മയിൽ മെല്ലെ നീയെത്തും
നിദ്രയിൽ കാണുന്ന സ്വപ്നത്തിലൊക്കെയും
നിന്റെമുഖം നിറയുന്നൂ
ഓർമ്മിച്ചിടാനൊട്ടുമിഷ്ടമില്ലാത്തവ
ഓരോന്നുമോർമ്മയായെത്തിടുന്നു
നഷ്ടസ്വപ്നങ്ങൾക്ക് ഭാവുകം നേർന്നു കൊ-
ണ്ടെന്നെപ്പിരിഞ്ഞതല്ലേ നീ
പിന്നെയും പിന്നെയും ഓർമ്മയിലെത്തിനീ
എന്നെത്തലോടുന്നതെന്തേ ...
Not connected : |
