മനോഹരം  

ഇതുമനോഹരന് മദ്യഷാപ്പുടമകള്
ഹൃദയപുത്രനായ് വാഴിച്ചിടുന്നവന്
അമ്മയെക്കണ്ട നാളോറ്ത്തിടാത്തവന്
അച്ഛനാരെന്നറിഞ്ഞുകൂടാത്തവന്
മാതൃവാത്സല്യസൗഭാഗ്യമേലാതെ
മാതൃകാമദ്യപാനിയായ് തീറ്ന്നവന്
കരളുരുക്കിക്കളഞ്ഞുസറ്ക്കാരിനെ
കരകയറ്റുന്നവരിലൊരാളിവന്
കളിചിരിക്കുകളത്രമില്ലാത്തവന്
തെളിനിലാവാം കുടുംബമില്ലാത്തവന്
ഇതുമനോഹരന് അന്തിക്കുചായുവാന്
ഇടമതൊന്നിന്നുടമയല്ലാത്തവന്
മദിരസേവയില് മതിവരാത്തോന് തന്റ്റെ
വിധിസ്വയംവെട്ടിവെട്ടിത്തിരുത്തുവോന്
മദിപെരുത്തൊരുകാളക്കിടാവിവന്
മുതിരതിന്നുന്നകുതിരയാകുന്നവന്
ഇതുമനോഹരന് മദ്യഷാപ്പധികൃതറ്
മൃതിപരീക്ഷണത്തിന്നൊരുക്കുന്നവന്‌
തളിരിടുംമനസ്സുള്ളനേരങ്ങളില്
തളരിടാതെഅദ്ധ്വാനിച്ചിടുന്നവന്
വേലതീറ്ന്നാലരക്ഷണം വൈകാതെ
കൂലികൂസലില്ലാതെചോദിപ്പവന്
ഇതുമനോഹരന്മദ്യഷാപ്പുടമകള്
ഹൃദയപുത്രനായ് സ്നേഹിച്ചുകൊല്ലുവോന്
ഇവനൊരുവോട്ടറ്; പോളിംഗ്ദിനങ്ങളില്
ഇടതരോടൊത്തു"ക്യൂ "വില് നിരക്കുവോന്
വലതുകൈവിരല് യാന്ത്രികബട്ടണില്
വലതനേജന്റ്റിനെനോക്കിഞെക്കുവോന്
അടിവരുംവഴിതേടിപ്പിടിക്കുവോന്
അടിമയല്ലെന്നുറപ്പിച്ചുരയ്ക്കുവോന്
ലഹരിപൂക്കുന്നൊരന്തിനേരങ്ങളില്
ലളിതഗാനങ്ങളാലപിക്കുന്നവന്
ഇതുമനോഹരന് മദ്യപാനത്തിന്റ്റെ
പരിസമാപ്തിക്കുപര്യായമായവന്
കപടമായ്‌ കണ്ണുനീരൊഴുക്കുന്നവറ്
പടിചവിട്ടാനറയ്ക്കുന്നിടങ്ങളില്
പരസഹായത്തിനാദ്യംകുതിക്കുവോന്
പാരിതോഷികംവാങ്ങാന് മടിക്കുവോന്
ലക്കുകെട്ടുനീങ്ങുന്നവന് ജീവിത -
ലക് ഷ്യമൊന്നും മനസ്സിലില്ലാത്തവന്
ഇതുമനോഹരന് കാലാതിവറ്ത്തിയായ്
ഇളമനസ്സില് തറഞ്ഞു നില്ക്കുന്നവന് !

0

രചിച്ചത്:വി ടി സദാനന്ദൻ
തീയതി:14-12-2013 11:30:12 PM
Added by :vtsadanandan
വീക്ഷണം:245
നിങ്ങളുടെ കവിത സമ്മര്‍പ്പിക്കാന്‍