കുഴിയാനകള്‍ നമ്മള്‍
കുഴിയാനകള്‍ നമ്മള്‍
*******
ഉണങ്ങിയ മണലിലെ
കുഴികളില്‍ നിന്നോരോന്നായ്
പുറത്തു കടന്നിട്ടോടും
കുഴിയാനകളെ ഓടിച്ച്‌ പിടി-
യ്ക്കാനെന്തു രസമായിരുന്നന്ന്.
വെറും നിരുപദ്രവികള്‍
കുഴപ്പക്കാരുമല്ലവര്‍ .
ആരെങ്കിലും പിന്നാലെ
വരുന്നെന്നറിഞ്ഞാല്‍
കുഴിയാനകളോടിയൊളിയ്ക്കും
മണ്ണിലവതന്നെ കുഴിച്ച
ചന്തമേറുമാക്കുഴികളില്‍.
ചിലന്തികളുമായ് സാദൃശ്യം
എന്നാല്‍ നീണ്ട കാലുകളില്ല
ഉണക്കമണ്ണിന്റെ നിറമവയ്ക്ക് ;
എത്ര കുഴിയാനകളെക്കണ്ടു
എത്രയെണ്ണം കൈയ്ക്കുള്ളിലാക്കി
എന്നൊക്കെ ചര്ച്ചയയായിരുന്നല്ലോ
കൊച്ചുകുട്ടികള്‍ ഞങ്ങള്ക്ക്്
കുഴിയാനകള്‍ കൂട്ടുകാര്മാ‍ത്രം.
ഇന്നിവിടെ നമ്മളില്‍‍പ്പലരും
ഒളിയ്ക്കാന്‍ വെമ്പും കുഴിയാനകള്‍
സുരക്ഷിതമാം മാളങ്ങളില്ലാതെ;
എങ്ങും അരക്ഷിതാവസ്ഥ
കള്ളന്മാര്‍ , ചതിയര്‍ , ചാവേര്‍
ബോംബാക്രമണമൊരുക്കുന്നവര്‍
കൊലപാതകികള്‍ കൊള്ളലാഭക്കാര്‍
എന്തിനുമേതിനും തീപിടിച്ച
വിലയും - വിഷമിയ്ക്കുന്നു ജീവിയ്ക്കാന്‍
ഈ കുഴിയാനകള്‍ എവിടെയൊളിയ്ക്കും ?
***********
Not connected : |
